Bordhirundo
El Vikipedio
Bordhirundo (Riparia riparia) estas birdeto el hirundedoj, kun grando de ĉ. 12 cm.
Ĝia dorsa flanko estas grund-bruna, la ventro estas blanka. Sur ĝia brusto troviĝas kruce bruna rubando, la vosto estas iomete forka. Ĝi flugserĉas grupe, nestas are. Ĝi flugĉasas insektojn super la akvoj kaj akvoproksime.
Ĝia flugo estas ondanta, la sono estas ĉrip, la kantado estas pepado.
La bordhirundo vivas en proksimo de lagoj, riveroj. Ĝi ofte nestas are en krutaj bordoj, laŭsaj muroj, sablominejoj, ofte pli profunde ol unu metro, proksime unu al la alia. Ĝi estas ofta nesta, migranta birdo en Hungario.