Banstrato
El Vikipedio
Geografio > Eŭropo > Ĉeĥio > Prago > Malgranda Kvartalo > Banstrato < Turismo
Banstrato (Lázeňská ulice) estas nomata laŭ la "Malnova banejo", kiu estis tie jam en la 14-a jarcento. La domo en sia hodiaŭa aspekto el la 19-a jarcento, estis en la 18-a kaj 19-a jarcentoj unu el la plej konataj hoteloj de Prago. Tie ĉi loĝis la rusa generalo Suvorov kaj la franca poeto Chateaubriand (memortabuloj). Proksime, kontraŭflanke de la Maltana preĝejo, staras la domo Ĉe la ora unukornulo' (U zlatého jednorožce). Ankaŭ tie ĉi estis hotelo, kie en la jaro 1796 loĝis Ludwig van Beethoven.
