August Stramm
El Vikipedio
Literaturo > Germanlingva Literaturo > August STRAMM < Germana lingvo
August STRAMM [aŭgust ŝtram] (naskiĝis la 29-an de julio, 1874, mortis la 1-an de septembro, 1915) estis germana verkisto.
August Stramm naskiĝis en Münster. Li laboris kiel poŝtoficisto kaj studis samtempe. En 1909 li doktoriĝis.
Al la verkado lin instigis lia amiko Herwarth Walden, la eldonisto de la ekspresionisma revuo Der Sturm.
Dum nur du jaroj li verkis aron da dramoj kaj poemoj en eksperimenteca lingvaĵo proksima al la dadaismo. Temoj estis ekzemple la amo (Du) kaj la sensenceco de la mondmilito (Tropfblut).
August Stramm fariĝis viktimo de la Unua mondmilito: Li mortis dum batalo en Rusio.
[redaktu] Listo de verkoj
- Die Haidebraut (dramo, 1914)
- Sancta Susanna (dramo, 1914)
- Rudimentär (dramo, 1914)
- Erwachen (dramo, 1915)
- Kräfte (dramo, 1915)
- Du (ampoemoj, 1915)
- Geschehen (dramo, eld. 1916)
- Die Unfruchtbaren (dramo, eld. 1916)
- Die Menschheit (poemoj, eld. 1917)
- Tropfblut (poemoj, eld. 1919)
