Atomium
El Vikipedio
La Atomium estas monumento en la Hejzeloparko en Bruselo - Belgio. Temas pri ŝtala konstruaĵo kiu ekzistas el naŭ grandaj sferoj kiuj kune formas kuban kristalan strukturon de fero, pligrandigita de 165 miljardo da fojoj. La konstruaĵo estas kovrita de aluminio kaj pezas malplene 2500 da toneloj.
La Atomium konstruiĝis por la Internacia ekspozicio en Bruselo en 1958. La konstruaĵo estas kreita de arkitekto André Waterkeyn kaj estis celita ne resti tie pli longe ol dum ses monatoj. Post la fino de la ekspozicio oni decidis ne malkonstrui ĝin, ĉar ĝi intertempe iĝis tre populara.
La tuta alteco de la monumento, la diagonalo de la kubo, estas 102,705 metroj. La bazo estas sesangulo kun diagonalo de 94,75 metroj.
La sferoj, kiuj havas diametron de 18 metroj, estas ligitaj pere de rulŝtuparoj. La tri plej eksteraj altaj sferoj ne havas vertikalajn pilarojn kaj pro kialoj de sekureco estas fermitaj por la publiko. En la plej alta sfero oni havas panoraman elvidon je la urbo, kaj en la aliaj sferoj estas diversaj ekspozicioj.
En marto 2004 komenciĝis dujara renovigo de la monumento. Dum tiu periodo oni inter alie anstataŭos la aluminia kovraĵo per korodimuna inokso. Tial la atomium estas nealirebla de turistoj de oktobro 2004 ĝis januaro 2006. Entute la renovigo kostis 26 milionoj da eŭroj. Ĝi malfermis la pordojn denove la 18-an de februaro 2006.
[redaktu] Eksteraj ligiloj
- http://www.structurae.net/structures/data/index.cfm?ID=s0000887
- http://www.glasssteelandstone.com/BuildingDetail/42.php
- Oficiala retpaĝo de la atomium
 |
