Andrian Nikolajev
El Vikipedio
Andrian Grigorjeviĉ NIKOLAJEV (naskiĝis la 5-an de septembro 1929, mortis la 3-an de julio 2004) estis la tria kosmonaŭto, aviada generalo, heroo de Soveta Unio.
Li naskiĝis en la vilaĝo Ŝorŝeli, Ĉuvaŝio (Rusio); etna ĉuvaŝo. Lia unua flugo en la kosmoŝipo Vostok-3 okazis la 11-an–15-an de aŭgusto 1962. La flugo daŭris 3 tagnoktojn, 22 horojn kaj 22 minutojn. En 1963 li ekestis ĉefo de la sovetiaj kosmonaŭtoj kaj samjare li edziĝis al Valentina Tereŝkova, la unua ina kosmonaŭto. Li mortis la 3-an de julio 2004 en Ĉeboksaro, kie li ĉeestis la 5-ajn Tutrusiajn kamparanajn sportajn ludojn. Li estas entombigita en sia vilaĝo Ŝorŝeli.
Andrijan Grigorjeviĉ NIKOLAJEV (НИКОЛАЕВ Андриян Григорьевич) (1929 - 2004)
Rusia kosmonaŭto. Li naskiĝis je 5-a de septembro de jaro 1929 en vilaĝo Ŝorŝelji de distrikto Mariinsko-Posadskij de Ĉuvaŝio. En jaro 1947 li finis Mariinsko-Posadskij-an forstoteknikan lernejon kaj laboris kiel majstro de tresto "Juĵkarelles" en provizadoj de ligno en Karelio ĝis jaro 1950, kiam li estis rekrutigita en la Sovetian armeon. Dekomence li studis en kurso de aviadaj pafistoj, kaj en aŭgusto de jaro 1951 estis akceptita en militaviadan lernejon. Post kiam li finis ĝin en jaro 1954, li servis en aviadaj formacioj apude Moskvo. En jaro 1960 li estis envicigita en la taĉmenton de kosmonaŭtoj, trairis plenan kurson de preparado al flugoj sur ŝipoj de tipo "Vostok". Estis dublanto de G.S.Titov dum flugo de ŝipo "Vostok-2". Je 11-15-a de aŭgusto de jaro 1962 li faris sian unuan kosman flugon sur ŝipo "Vostok-3". Unufoje estis plenumita grupa flugo de du pilotataj ŝipoj ("Vostok-3" kaj "Vostok-4"). Ĝi daŭris dum 3 diurnoj 22 horoj 22 minutoj. Post la flugo li daŭrigis preparadon en la taĉmento de kosmonaŭtoj, ekde 1963 ĝis jaro 1968 estis komandanto de la taĉmento de kosmonaŭtoj. En jaro 1963 li edziĝis al unua kosmonaŭtino Valentina Vladimirovna Tereŝkova. Sed interrompo de la ĉefa laboro li finis en jaro 1968 Militaviadan inĝenieran akademion. En jaroj 1968-1974 li estis vicestro de Centro de preparado de kosmonaŭtoj. Li trairis preparadon laŭ la luna programo, estis komandanto de unu el la ŝipanaroj. Post malfermo de la sovetia luna programo li prepariĝis al flugoj sur ŝipoj de tipo "Sojuz", estis komandanto de dublanta ŝipanaro dum flugo de ŝipo "Sojuz-8" (oktobro de jaro 1969). Je 1-19-a de junio de jaro 1970 li faris sian duan flugon kiel komandanto de ŝipo "Sojuz-9". Ĝis tiu momento tio estis la plej longa kosma flugo. Post alteriĝo pro tio, ke la kosmonaŭtoj malmulte okupiĝis pri fizikaj trenadoj, aperis problemoj kun adaptado de organismo al teraj kondiĉoj. La kosmonaŭtoj malbone sin sentis, ne kapablis iri. Ĉi tiu stato ricevis en medicina literaturo nomon "la efekto de Nikolaev". La flugo daŭris dum 17 diurnoj 16 horoj 58 minutoj 55 sekundoj. Per la du vojaĝoj en la kosmon li flugis dum 21 diurnoj 15 horoj 20 minutoj 55 sekundoj. En jaro 1974 li estis nomumita unua vicestro de Centro de preparado de kosmonaŭtoj kaj servis en ĉi tiu ofico ĝis demisio.
Li estis deputito de Supera Konsilio de Rusio ekde 6a ĝis 11a kunvoko, popola deputito de Rusio ekde jaro 1990 ĝis jaro 1993.
Li estas dufoje promociita kiel Heroo de Sovetunio kaj ricevis du ordenoj de Lenin, ordenon de Labora Ruĝa Standardo, ordenon de Ruĝa Stelo, medalojn, premiojn de multaj landoj. Per la nomo de Nikolaev estis nomata kratero sur la Luno.
Li estas aŭtoro de libroj "Ni renkontiĝu sur la orbito" kaj "La kosmo - vojo sen fino".
Li forpasis je 3-a de junio de jaro 2004.
La artikolo estia farita surbaze de [[1]] laŭ permeso de la aŭtoro.
