Albert Schramm
El Vikipedio
D-ro Albert SCHRAMM [ŝram] (naskiĝis la 5-an de aŭgusto 1880 en Sindelfingen, mortis en 1937) estis germana esperantisto, profesoro kaj estro de la Germana Akademio por Bibliotekistoj en Leipzig.
Li estis vicprezidanto de la UK 1908 en Dresden. Li sukcese propagandis Esperanton en oficialaj rondoj de Saksujo. En 1908 li fondis la Saksan Esperanto-Instituton, kies unua direktoro li estis. Li estis ĉefkunlaboranto kaj poste redaktanto de la gazetoj Ĉirkaŭ la Mondo, La Bela Mondo kaj Universo. Krom multaj gazetartikoloj li verkis lernolibrojn, unu el ili aperis en 1923 en 31-a eldono.
Li estis eminenta fakulo por ĉiuj aferoj, kiuj rilatas al la libroj, presado, ilustrado, skribo ktp. Li estis parlamenta stenografo (vidu: stenografio) kaj bibliotekisto de la Saksa Stenografa Instituto.
[redaktu] Literaturo
- Reinhard Haupenthal: Albert Schramm (1880-1937). Ein vergessener Esperanto-Pionier. En: Sindelfinger Jahrbuch 25 (1983), p. 234-242.
- Reinhard Haupenthal: Albert Schramm (1880-1937) kaj lia korespondo kun Lazaro L. Zamenhof (1859-1917). Saarbrücken: Iltis, 1985. 58 p.
- Reinhard Haupenthal: Albert Schramm (1880-1937), ein vergessener Esperanto-Pionier. En: Serta gratulatoria in honorem Juan Régulo. II. Esperantismo. La Laguna: Universidad de La Laguna, 1987, p. 259-373.
