Adverbo
El Vikipedio
Lingvo > Gramatiko > Morfologio
Adverbo estas vorto, kiu modifas la sencon de verbo, adjektivo, aŭ tuta frazo. En Esperanto estas du specoj de adverboj: tiuj derivitaj per la finaĵo "-e", kaj tiuj, kiuj memstaras kaj ne bezonas gramatikan finaĵon. Ekzemploj de la lasta grupo estas "tiel", "baldaŭ", "ankoraŭ", kaj "for".
En la Plena Manlibro de Esperanta Gramatiko de Bertilo Wennergren, la adverboj estas nomataj "e-vorto" aŭ "e-vortecaj vortetoj". [1] Tiuj terminoj validas strikte nur por Esperanto.
