Aš
El Vikipedio
Koordinatoj: 50°13'N; 12°12'E Mapo
Aš (legu aŝ) estas urbo kun 12 500 loĝantoj, situanta en Bohemio en distrikto Cheb. En latinaj kaj germanaj tekstoj Aš estas indikata kiel Asch kaj Aska.
Regiono de Aš – la plej okcidenta terlango de Ĉeĥio – estis dum multaj jardekoj propra mikroregiono. Kolonigita ĝi estis nur en kulmina mezepoko. La unua dokumento kun indiko de la nomo, per kiu Heinrich el Plauen transdonis preĝejon en Aš sub administradon de Ordeno de germanaj kavaliroj, devenas el la jaro 1270. La regiono de Aš fariĝis konsisto de ĉeĥaj landoj en la jaro 1322, kiam Ludwig Bavaria enlombardigis regionon de Cheb al reĝo Johano de Luksemburgio. Bazo de aŭtonomia evoluo de la regiono de Aš poste fariĝis feŭda letero de la reĝo Jan al Albrecht el Neuberg el 1331, per kiu li transdonis al Neubergidoj la tutan regionon kiel rektan feŭdon, liberigitan de ĉiuj pagoj kaj impostoj. Fine de la 14-a jarcento familio de Neuberganoj forlasis la regionon de Aš, kaj komence de la 15-a jarcento transprenis administradon de la regiono familio Zedtwitzidoj, al kiuj reĝo Zigmundo la 1-a konfirmis en 1422 ĉiujn antaŭajn liberigojn kaj privilegiojn. La regiono de Aš restis unusola ĉeĥa teritorio, kiun eklezie ne tuŝis batalo sur Blanka Monto kaj ĝi restis evangelia. Ĝi perdis sian aŭtonomion nur post longaj bataloj dum regado de imperiestrino Maria Teresia fine de la 18-a jarcento. En la 2-a duono de la 19-a jarcento ĉi tie okazis abrupta evoluo de teksindustrio. Komune kun ĝi okazas rapida plialtiĝo de nombro de loĝantoj kaj kiel loko kun pli ol 10 000 loĝantoj Aš estis en la jaro 1872 avancigita je urbo. Aš restis la urbo de teksaĵo ĝis la 90-aj jaroj de la 20-a jarcento. En la jaro 1990 estis malfermita la unua limpasejo ĝis Germanio direkte al Selb, en pluaj jaroj poste limpasejoj por piedirantoj direkte al Bad Elster kaj Bad Brambach.
| Regiono Karlovy Vary | |
|---|---|
| ▼ | |
| Urboj kaj vilaĝoj en distrikto Cheb | |
| ▼ | |
| Aš ~ Dolní Žandov ~ Drmoul ~ Františkovy Lázně ~ Hazlov ~ Hranice ~ Cheb ~ Krásná ~ Křižovatka ~ Lázně Kynžvart ~ Libá ~ Lipová ~ Luby ~ Mariánské Lázně ~ Milhostov ~ Milíkov ~ Mnichov ~ Nebanice ~ Nový Kostel ~ Odrava ~ Okrouhlá ~ Ovesné Kladruby ~ Plesná ~ Podhradí ~ Pomezí nad Ohří ~ Poustka ~ Prameny ~ Skalná ~ Stará Voda ~ Trstěnice ~ Třebeň ~ Tři Sekery ~ Tuřany ~ Valy ~ Velká Hleďsebe ~ Velký Luh ~ Vlkovice ~ Vojtanov ~ Zádub-Závišín | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
