Ĵomart kaj Nataŝa

El Vikipedio

Ĵomart kaj Nataŝa kun filino Carina dum NR en Germanio

Ĵomart kaj Nataŝa estas muzika duopo, kiu kantas en Esperanto melodian, foje romantikan, muzikon. La duopo kreiĝis en 1985 en Ŝimkento, Kazakstano kiam Ĵomart renkontis Nataŝa-n en lernejo kie li instruis Esperanton. Ili geedziĝis en 1991, kaj transloĝiĝis al Svedio, kie naskiĝis ilia filino en 1995. Ĵomart ludas gitaron kaj kantas, kaj Nataŝa kantas kaj ludas fluton. La muziko de Ĵomart kaj Nataŝa stilas tiel popolmuziko kaj popmuziko.

Du malsamaj mondoj inspiris la belsonajn kantojn de Ĵomart kaj Nataŝa. La duo venas de antaŭa Sovetunio (Kazaĥio), sed loĝas ekde la komenco de la 90-aj jaroj en Stokholmo, Svedio.

Gitaro kaj bekfluto akompanas la melodian, ofte dolĉe melankolian, partokantadon. Do, tiuj ĉi kantoj estas por vere auskŭlti. En la tekstoj Ĵomart traktas tion kio tuŝis lin kaj kion li volas rakonti. La espero estas ĉiam ke la aŭskultanto sentu aŭ komprenu la esencon de la kanto. Dum koncertoj oni alstrebas silentan dialogon inter publiko kaj muzikistoj.

[redaktu] Diskaro

Amu min (2003)
1. Bonan vesperon
2. Reva vojaĝo
3. Ĝis
4. Amata
5. Pasis senzorga viv'
6. Moskvo...
7. Kiam mi revenos
8. Min vokas iamo
9. Romanso
10. Stulat am'
11. En nekutima krispa mond'
12. Amu min

Valso por amikoj (1999)
1. Amu min!|Amu min
2. La ranetoj
3. Ĉio venas de l' nenio
4. Mi ĝuas
5. Malgranda Miraklo|Malgranda miraklo
6. Pasero
7. Papago
8. Filineto
9. Mi perdis amikon
10. Mi sopiras
11. Fajrereto
12. Valso por amikoj
Vinilkosmo-kompil' 1 (1995) - Ili kontribuas al la kompilaĵo per unu kanto, nome: Papago.
Samarkand (1994)
Vi kuras de vi (1992)
1. Saluton, mia amikino
2. Pri gustoj oni ne diskutas
3. Mi estas amata
4. Ĉu hejmo..?
5. Nokte
6. Ni perdas unu alian (Ili kantas ĝin ankaŭ en albumo "Ĉu ne?" de Amplifiki, kie ĝi nomiĝas "Nur vi estas ŝanco mia".)
7. Mi sopiras (Ili kantas ĝin ankaŭ en albumo "Ĉu ne?" de Amplifiki.)
8. Vi kuras de vi
9. Malgranda miraklo
10. Nur unusolas en la mond'
11. Mi ĉiam vin atendas
12. Mi ne volas foriri
13. Adiaŭ
Folioj de mia memoro (1990)
1. Nia vivo
2. Aŭskultu min
3. Telefon'
4. Vi kaj mi
5. Frua mateno
6. Kiel fartas vi?
7. Nokto al la urbo falas
8. Laciĝas tago
9. Se estus mi pentristo
10. Vojo?
11. Via nomo
12. Triptiko: Kiam mi restas sola; Mi apud fenestro sidas; Vagadi sencele
13. Delonge vivas mi trankvile
14. Vi telefonis
15. Somera mondo
16. Letero
17. Ĉu estas senco renkontiĝi?
Debuto en eksterlando (1989)