Česká Ves
El Vikipedio
Česká Ves (en traduko Ĉeĥa Vilaĝo) estas vilaĝo situanta en norda cismontaro de montaro Hrubý Jeseník, en valo de rivereto Bělá. La suda parto de la vilaĝo rekte ligas al distrikta urbo Jeseník, norde ĝi malproksimas de ŝtatlimo kun Pollando 13 km. La valo estas borderita de arbarkovritaj montetoj, kiu nordokcidente apartenas al terlangoj de montaro Rychlebské hory.
[redaktu] Historio
La unuaj spuroj de loĝigo de la valo de rivero Bělá, norde de Jeseník, kie etendiĝas la hodiaŭa Česká Ves, tuŝas ĝis la 6-a jarcento. La vilaĝanoj estis anoj de slavaj triboj, vivantaj en teritorioj de suda Pollando. Skribmencioj pri vilaĝo kun nomo Waltherowici devenas el la jaro 1284, kiam estiĝis La fundamenta dokumento de vroclava episkopujo. La hodiaŭa nomo de la vilaĝo aperas nur en la jaro 1410.
La nomo havas sian devenon verŝajne laŭ ministoj (evidente el Kutná Hora), kiujn invitis por mini ferercon kaj oron sur montopiedo de monteto Zlatý Chlum ĉirkaŭ la jaro 1350 Hynek Muščín, tiama posedanto de la vilaĝo. Tiutempe jam la loĝantaro estis tute germangita de germanaj kolonistoj. La vilaĝo en la historio ne evitis al vico de katastrofoj. Tre difektis ĝin militmarŝoj de la tridekjara milito kunigita kun rabado, epidemio de pesto en 1627 kaj fine ankaŭ triste famaj sorĉistinaj procesoj, en kiuj estis ŝtiparumitaj 16 virinoj kaj 1 infano - plej multe el la vilaĝoj de regiono de Jeseník. Nur kun rompo de la 18-a jarcento ĝi notas pli bonajn tempojn. En 1804 vizitas lokan lernejon 140 infanoj. En la vilaĝo estas renovigita preĝejo, laboras muelejo kaj aliaj. Federacia fabriko ŝanĝiĝas en 1894 en akcian kompanion por produktado de fera varo - la hodiaŭa Ĉenfabriko.
[redaktu] Naskiĝintoj
Naskiĝintoj el Česká Ves ankaŭ meritis pri jeseníkaj banlokaj aferoj. En la jaro 1798 en la vilaĝo naskiĝis Johann Schroth (lia naskodomo ĉi tie senĉese staras), fondinto de banloko en Lipová-lázně. En la 1814 loka kamparano, Vincenz Priessnitz komencis okupiĝi per kuracado de malsanoj per akvo el arbaraj fontoj. Banloko Gräfenberg nome apartenis en katastron de Česká Ves.
| Regiono Olomouc | |
|---|---|
| ▼ | |
| Urboj kaj vilaĝoj en distrikto Jeseník | |
| ▼ | |
| Bělá pod Pradědem ~ Bernartice ~ Bílá Voda ~ Černá Voda ~ Česká Ves ~ Hradec-Nová Ves ~ Javorník ~ Jeseník ~ Kobylá nad Vidnávkou ~ Lipová-lázně ~ Mikulovice ~ Ostružná ~ Písečná ~ Skorošice ~ Stará Červená Voda ~ Supíkovice ~ Uhelná ~ Vápenná ~ Velká Kraš ~ Velké Kunětice ~ Vidnava ~ Vlčice ~ Zlaté Hory ~ Žulová | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
