Čaková
El Vikipedio
Čaková estas montara vilaĝo en distrikto Bruntál, tiriĝanta en longeco de 5 km tra valo de rojo Čakovka ĝis preskaŭ al montopiedo de 628 m alta monto Chlum. La vilaĝo situas inter arbaroj. En 1980 Čaková fariĝis loka parto de Zátor, je 10 jaroj ĝi denove akiris memstarecon. Nuntempe Čaková havas proksimume 300 loĝantojn.
[redaktu] Historio
La jaro de fondo de Čaková ne estas konata, ĝia nomo havas slavan devenon. Ĝi estiĝis de persona nomo Čak, temis do pri vilaĝo de homoj de Čak. Pli posta germana nomo Friedersdorf estas nur ekde la jaro 1678.
La vilaĝo ekzistis evidente jam en la 13-a jarcento. Komence de la 14-a jarcento ĝi estis neniigita far de tataraj atakoj kaj en 1330 denove loĝigita de germanaj kolonigintoj. La unua skribmencio pri la vilaĝo estas nur el la jaro 1494, kiam ĝi nomiĝis Czakoewie. La nova germana nomo koneksas kun la fakto, ke dum ĉeĥo-hungaraj militoj en la 70-aj jaroj de la 15-a jarcento ĝi estis neniigita. En 1535 aĉetis la vilaĝon Krnova princlando. Pluaj sortoj de Čaková poste koneksis kun sortoj de tiu ĉi princlando, la vilaĝo estis luterigita. Post batalo sur Blanka Monto akiris ĝin familio de liĥtenŝtejnoj, kiu en la jaroj 1625 ĝis 1627 komencis rekatoligon.
La vilaĝo suferis pro militaj eventoj de la tridekjara milito, post kiu ĝi nur malfacile rekonsciiĝis. En duono de la 19-a jarcento ĝi estis envicigita en distrikton Krnov.
Dum la tuta tempo Čaková konservis por si karakteron de cismontara vilaĝo, ĉefa okupo de loĝantoj estis agrikulturo. Naturkondiĉoj donis eblecon kulturi terpomojn, linon kaj cerealojn. Ĉi tie estiĝadis neniaj industriaj entreprenoj.
Minado de ardezo en la ĉirkaŭaĵo estis ĉesigita en la jaro 1980. Ekde tiu ĉi dato la vilaĝo estas ankaŭ nomata per la hodiaŭa nomo Čaková.
