Mertali / çıbenoki

Wikipediya ra, ensiklopediya xosere

Mertali (Çıbenoki) ki edebiyat u folklor ra say benê. Mertali eve jêde eve usılê sayıreni vajinê. Perskerdene de çêkuyê heneni têdıma vajinê ke, peyniya ho eve usılê qafiya şikina arê, ero i(n)sani wes yena. Taê mertalu de ki usılê sayıreni çino, eve qafiye nêvajinê. Mertali wes xezelnenê. Eve perskerden u cüavdaena mertalu baqıleni u zanaoğeni ispat bena ke, kami ke fişt ra kami ser. Waxto ke veyve u deniskar bi, cêniya dığaskane ver de, cemat ke bi top, jüvini ra mertalu pers kenê, eve o tore xezelinê, pê hedıra ho anê. Vaten u perskerdena mertalu de hostaenia qesu lazıma.

[bıvurne / bınusne] Ornege Mertalu

- Arqulık darqulık, des u dı qulık. (lekani)

- Bırae de mı esto kaleke ra mij keno. ( İvrıq)

- Bırae de mı esto hata béçıke de qıne mekuye nésono. ( Maqas)

- Bırae de mı esto soderı sande berbeno. ( Heni)

- Bonê Baki, pırrê huraki. (dıdani)

- Bone de mı esto jü ustına verde. ( Sungo kuvarık)

- Deka de mı esta loqluné xo xodıma kaskena. ( derjen u desteke)

- Bonê de mı esto, jü ustıne verde ra. (sung)

- Bonê de mı esto, phonc sey male cêno, hurendia jü xuremia vaşi nêcêno. (çê mıloçıku)

- Çar waê mı estê, cırta ho erzenê jü gol. (cızıkê manga)

- Çerxa mına çerxkerdiye, bınê merxi de rokerdiye. (zer(re)veti)

- Çiyê de mı esto, dina u diar vineno verê çêverê ho nêvineno. (çım)

- Çiyê de mı esto, don kemer ro nêşikino, don awe ro şikino. (kağıte)

- Çiyê de mı esto, gıneno awe ro hit nêbeno. (tiji)

- Çiyê de mı esto, mezela ho ve ho kıneno. (dılapa)

- Çiyê de mı esto, mı dıma nêvışino. (şiye)

- Çiyê de mı esto, tora besto / ki esto. (name)

- Çiyê mıno çewt, peyê boni de kot. (rae)

- Çiyê mıno surkerde, bınê andali de rokerde. (piaz)

- Dare lerzena, vore erzena. (pırozıne)

- Dara mına qole bınde kerdo hole hole. ( Pétage)

- Deve niyo, devey ra berzo, hemgê niyo hemgêni ra weso, ağu niyo ağuy ra thalo. (dara goze)

- Déka de mı esta mezela xo be xo kınena. ( Dılapa)

- Déka de mı esta her roji xo polkena.(Soji)

- Dı mirçıki çar çımi, bınê vore de hardo şia, kam ke nêzano hero şia. (cüav tedero)

- Dı yê mı(nê), çar yê dine, howt yê Tıngılfıse. (cızıkê bıze/manga/dele)

- Diko dare de, vengo Xaskare de. (tıfang)

- Gaê de mı esto, gaê de to esto, hêgaê de mı esto, hêgaê de to esto, gaê mı yeno hêgaê to weno, gaê to yeno hêgaê mı weno.Sıtê gaê mı torê beno helal ya ki beno heram? (sıtê gay çino)

- Ga qorra dım pera. ( Tıfang)

- Gaé de mı esto sare bırrnen sero berben. ( Piaz/piyaz)

- Herê de mı esto, bınê pizey ra bar kon. (lınge)

- Hera de mı esta, eve bar sona zerre. (khoçıke)

- Her zırra, dım perra. (tıfang)

- İp ip, sandıq çip. (goze)

- Jü waa mı esta, mezela ho eve ho kınena. (dılapa)

- Kalıké mıno dere de çape koreko vére de. ( Areye/Ayre)

- Khalıko navera, herdisa huya bovera. (pırd)

- Kéle mıno kemer de xureme mırzoro verde. ( Çenık u herdise/erdise)

- koyi serra asena je asm u roz wésena. (Tıji)

- Lüye lüye, gınê ro şüye, fek pırrnıki, bi pırrê muye. (Makina porr bırnaene?)

- Manga de mı esta awe sımena zerede guk kı pa sımeno ( Lamba qaji)

- Merde merde, fek rakerde. (meske)

- Mereka de mı esta adır kenune ver sımer véseno mereke névésena ( Qılawun)

- Peyde manena, bena derg; sona, bena kılm. (rae)

- Phonc wayi péro zumıni ré hewayi. (Tıre ke pé puçu çinene we(vırazené))

- Qutiya mına tolıke dına tede kerda holıke. (Radon/radyo)

- Qayıse mıno qerbeleko bıne erd de feleko. ( Mor / Mar)

- Qat qat mişte bıne ondali de ronişte. ( Nano/nono mişte)

- Suro, sur u çeqero; usar ke ame reqeno. (bulısk)

- Tora lerzena, wele erzena. (pırozıne)