Ĭng-ngṳ̄
Lài-nguòng: Wikipedia
Ĭng-ngṳ̄ (英語) kī-nguòng găh Ĭng-guók, hiêng-káik-sì ô 1 piĕ guók-gă gâe̤ng dê-kṳ̆ sāi Ĭng-ngṳ̄ có̤ guăng-huŏng ngṳ̄-ngiòng, gó ô iā sâ̤ guók-gă ciong Ĭng-ngṳ̄ diâng có̤ dâ̤-nê ngṳ̄-ngiòng.
Ĭng-ngṳ̄ sê góng sié-gái sāi-ê̤ṳng huōng-ùi dék kuák gì ngṳ̄-ngiòng. Góng sié-gái dâi-mō̤ ô 3 é 5,400 uâng nè̤ng kĕk Ĭng-ngṳ̄ có̤ dâ̤-ék ngṳ̄-ngiòng. Kĕk Ĭng-ngṳ̄ có̤ dâ̤-nê ngṳ̄-ngiòng gì ìng-kēu ô 1 é 5,000 uâng gáu 15 é. Ĭng-ngṳ̄ iâ sê Lièng-hăk-guók guŏng-huŏng ngṳ̄-ngiòng cĭ ék.
[Siŭ-gāi] Lĭk-sṳ̄
Ĭng-ngṳ̄ sê téng gū-cā Ăng-gáh-lò̤ Sák-sŏng (Anglo-Saxons) mìng-cŭk gōng gì gū Ĭng-ngṳ̄ iēng-biéng siàng gì, sê Să̤ Gé-ī-màng Ngṳ̄-cŭk (Western Germanic language) gì 1 cṳ̄ng. Gó-chṳ̄ gĭng-dáng gì Ĭng-ngṳ̄ ngṳ̄-huák duâi-buô-hông dŭ gâe̤ng gì-tă Gé-ì-màng ngṳ̄-ngiòng cĭng chiông (bī-ê̤ṳ-gōng Hò̤-làng-ngṳ̄ gâe̤ng Dáik-ngṳ̄).
11 sié-gī, Huák-guók Nò̤-màng-dī-nè̤ng (Normans) chĭng-huâng Ĭng-guók, ciŏng Huák-ngṳ̄ gâe̤ng Lá-dĭng-ngṳ̄ dái gáu Ĭng-guók, sū-ī hiêng-dô̤i Ĭng-ngṳ̄ iâ ô cĭng sâ̤ Lá-dĭng Ngṳ̄-cŭk dăng-sṳ̀.
Gê̤ṳng-dô̤i gĕ̤ng-ngiĕk gáik-mêng ī-hâiu, Ĭng-ngṳ̄ tié Ĭng-guók gì gŭng-dôi diòng gáu hāi-nguôi gì sĭk-mìng-dê, mâing-mâing biéng siàng sié-gái dék sì-hèng gì ngṳ̄-ngiòng.
