Norberto Romuáldez
Desde Chavacano de Zamboanga Wikipedia - El Libre Enciclopedia
Norberto Romuáldez y López (1875 - 1941) (Mas llamao como Norberto Romuáldez, Sr. para aclara con ele solamente distincto con su hijo quien tiene igual nombre) es un Filipino autor y escritor, politico, jurista y un caballero de estado. Ele el primer Romuáldez ya queda popular entero nacion del Filipinas. Ele el tio de Imelda Marcos, el hija del su hermano menor Vicente Orestes.
Si Romuáldez ya queda grande na Leyte y su estado como un escritor ya conoce una na lenguaje Waray-Waray. De su una Waray zarzuela amo el An Pagtabang ni San Miguel (El Ayuda de San Miguel).
Del año 1908, Si Romuáldez ya escribi el gramatico Bisaya y Maga Apuntos na Retorico y Poetico na Bisaya y Dialectologio de Filipino, un libro de gramatico acerca del lenguage Waray-Waray. Na siguente año (1909) ya crea ele con el Sanghiran san Binisaya ha Samar ug Leyte (Academia del Lenguaje Bisaya de Samar y Leyte) por el proposito del promocion y intelectualizacion del lenguaje Waray-Waray. Si Romuáldez tambien bueno na maga otro lenguaje como Español, Ingles y Cebuano.
Si Romuáldez ya sirvi como un justicia del Corte Suprema del Filipinas durante del tiempo Americano. Ele un miembro tambien del 1934-1935 Convencion Constitutional que ya resulta con el 1935 Constitucion del Estado Libre Asociado del Filipinas con El Estados Unidos.
Si Romuáldez ya muri del año 1941 por causa de un no hay conocido enfermedad.
