Talk:El Primero Pagina

Desde Chavacano de Zamboanga Wikipedia - El Libre Enciclopedia

[edit] CIUDAD DE ZAMBOANGA (Latino Ciudad de Asia)

HISTORIA DE ZAMBOANGA:

Este historia de Zamboagna ya influencia na Sama Tradicion conocimienyo na origen la nombre de Zamboanga. el uno ta relata na caña largo y el otro na flores de jardin.

El uno vercion ta habla que el nombre Zamboanga ya saca na palabra "samuang" que na Sama vernaculo, quiere decir rempuja el caña para na agua lodo con el vinta o canoa. este caña ta dale vuelo, hende na necesita ancla. si esta para cree, este es uno historia clasico, el historia ta continua cuando tiene un soldao español ya perde su camino na rio, ya puede le mira sama na vinta ta amarra su ancla na caña. el soldao ya pregunta con el barquero si cosa el nombre del lugar, pensaba el barquero ta pregunta el español si cosa le ta hace. ya contesta le "samuang". el soldao ya cree cay samuang el nombre del lugar.

El otro version cuando nuevo centuria grupo de antigua maritimo ta encabeza si Salingai Bongsu y el Pesquisa celebrado flore de jardin ta llama Jambangan, ellos ta vela para na este estaba na imperio de Srivijaya para na direccion de Zamboanga, que ya renombra el Jardin de Asia.

Cuando na viaje, un grupo tambian tan viaje para apuera na este sudeste ya llega con este lugar que amo ahora el Sandakan, el grupo ya llama con el lugar Jambangan, el orto grupo tambian ya llega na lugar que amo tambian ahora el Siasi y ellos ya llama tambien con este lugar como Jambangan.

LOS GENTE

ZAMBOANGUEñO conocido tambien como Chavacano -El descendiente desde'l Cristiano preso que ya convertir los espanol y para ayuda defende el guarnicion del español(Fort Pilar, Ciudad de Zamboanga) y tambien para ayuda contra con el maga moro.

-El nativo Cristiano que tiene mezclao sanggre de los tribos; Subanon, Visayan(Cebuano y Ilonggo), Ilocano, Chino, Moro y sanggre español. porcausa de la interaccion de matrimonio dentro de los tribos mencionado, este ya causa nacer un nuevo tribo-se llamo "Tribo Zamboangueño"

LENGUAJE

ZABOANGUEñO conocido tambien como lenguaje Chavacano o lenguje Chavacano de Zamobanga o como un Tribo Zamboangueño o Chavacano. ademas, conocido tambien como La española creolo de las Filipinas, que 70% de los palabras estaba na espanol y 30% de otras palabras estaba desde Subanon, Cebuano, Ilonggo, Sama-Bangingi, Tausug, Yakan, Portuguis y Mexican-Indian.

La lenguaje Zamboangueño, es uno tambien viejo lenguaje que ta hablar o conversar na entero mundo, que ya nacer de anos 1653 tiempo de la colonia de España en(Nuestra Senora La Virgen del Pilar, Fort Pilar, Ciudad de Zamboanga).

El tribo Zamboangueño, ahoramente que puede tambien encontrar na maga lugar o dentro de Zamboanga Peninsula, Ciudad de Isabela(Basilan), Municipalidad de Lamitan(Basilan), Cotabato, Davao y na otro parte del pais. asegun, el lenguaje Zamboangueño o Chavacano de Zamboanga ta esta evolucionar pa siempre.

EL PRIMER MILAGRO DEL NUESTRA SEñORA DE LA VIRGEN DEL PILAR

Un noche, el centinel estaba dormido na costao del moralla enfrente del mar. derepente ele ya agarra na de suyo hombro y ele ya oi un voz ta habla.

"despierta, hay moros en l costa"

Cuando ya despierta el centinel, ya puede le mira un bonita mujer con vestido de blanco.

                           ele ya grita Alto! Alto!

Como no hay contestacion, ya apunta le su pusil con el mujer y cuando para tira ya le, ya oi ele con este hablando:

"centinel, porque el paso niegas el alba del dia? si conoces a Maria, porque le gritas el Alto?"

Ensiguidas el guardia ya hinca y ya habla:

"perdonar me, Señora mia Madre de mi corazon, Soy un pobre centinel que cumplo mi obligacion."

El mujer ya desaparece sin hablar otro palabra. el siguiente dia, el guardia ya avisa con su comandante oficial el que ya sucede en aquel noche pasado. para sabe si ele ta habla la verdad acerca el historia del centinel, el comandante oficial ya dale orden corta el maga dedo del guardia y quema durante de un hora.

Masquen el fuego bien caliente, de suyo maga dedos no hay quema. este quiere decir que el historia del guardia es deveras.

Cuantos dias se paso, el guardia ya queda enfermo. ele no hay salva y ya mori. pero ya puede mira el de suyo maga compañeros soldao que el centinel bien contento con el de suyo muerte.

       HIMNO DE ZAMBOANGA
                    
                 I
  Zamboanga hermosa, preciosa, perlita
         orguulo de mindanao
         tus bellas dalagas 
        son las que hermosean
         tu deliciosa ciudad.
                 II
           Flores y amores
        que adornan su jardin
           eres la imagen
           de bello eden...
                 III
  Zamboanga hermosa, preciosa, perlita
         orguulo de mindanao
         tus bellas dalagas 
        son las que hermosean
         tu deliciosa ciudad.