Сибай (ҡала)
Википедия – ирекле энциклопедия
Сибай — республика әһәмиәтендәге ҡала, Башҡортостандың Урал аръяғында, Ирәндек тауҙарының итәгендә урынлашҡан. Өфө ҡалаһынан 464 км һәм Магнитогорск ҡалаһынан 95 км алыҫлыҡта ята.
Сибай ҡалаһы үткән XX-се быуаттың 30-сы йылдары уртаһында башланған Сибай баҡыр-цинк мәғдән ятҡылығын үҙләштереү менән бәйле нигеҙләнгән. 1938 йылдан ул эшселәр ҡасабаһы, ә 1955 йылдан ҡала тип танылған.
Сибай ҡалаһында 61597 кеше йәшәй, Төйәләҫ менән бергә 62471 кеше иҫәпләнә. Был мәғлүмәттәр 2005 йылдың 1 ғинуарына тура килә. 2002 йылғы халыҡ иҫәбен алыу мәғлүмәттәре буйынса Сибай ҡалаһында (Төйәләҫ менән бергә) 60144 кеше иҫәпкә алынған. Шуларҙың 48,7 % башҡорттар, 38,7 % урыҫтар, 8,9 % татарҙар тәшкил итә.
Сибай ҡалаһы аша Магнитогорск — Ира федераль автомобиль трассаһы һәм Акъяр — Сибай — Аскар — Сәрмән республика әһәмиәтендәге автомобиль трассаһы үтә.
Сибай — Башкортостан Урал аръяғының сәнәғәт һәм уҡыу-мәҙәниәт үҙәге.
Сибай ҡалаһында Башҡорт дәүләт университының бүлеге — Сибай институты, Башҡорт дәүләт аграр университетының бүлеге, Сибай политехник колледжы, Сибай дәүләт педагогия колледжы, Сибай дәүләт медицина колледжы, Сибай саүҙа-иҡтисад колледжы, башҡа уҡыу һәм белем алыу йорттары бар.
Сәңғәт өлкәһендә ҡалала Сибай башҡорт дәүләт драма театры, Сибай ҡала филармонияһы һәм "Сулпан" башҡорт балалар театры бар.
Башҡортостан ҡалалары |
Өфө | Ағиҙел | Баймаҡ | Бәләбәй | Белорет | Бөрө | Благовещен | Дүртөйле | Дәүләкән | Ишембай | Күмертау | Мәләүез | Межгорье | Нефтекама | Октябрьск | Салауат | Сибай | Стәрлетамаҡ | Туймазы | Учалы | Яңауыл |